NewSmsPunch Chat Room

Showing posts with label Ghazal SMS. Show all posts
Showing posts with label Ghazal SMS. Show all posts

Chand Se Chehre Ka Sadqa Bhi Utara Kijiye

Chand Se Chehre Ka Sadqa Bhi Utara Kijiye
.
Mashwara Hai Ye Meri Jan Gawara Kijiye,
.
Roshni Din Ki Andheron Mein Simat Jati Hai,
.
Ghar K Aangan Mein Na Youn Zulfain Sanwara Kijiye,
.
Hum To Jan Hatheli Pe Liye Phirte Hain,
.
Bas Kisi Roz Humain Halka Sa Ishara Kijiye,
.
Aap To Mehal Nasheen Naram Mulaim Se Hain,
.
Jhonpri Hai Ye Ghareebon Ki Guzara Kijiye,
.
Hum To Rahon Mein Liye Phirte Hain Kaasa-E-Dil,
.
Haal Kaisa Hai Mera Kisi Roz Nazara Kijye.....!!

Khud Ko Zair-e-Etaab Kon Karey

Khud Ko Zeir-e-Etaab Kon Karey,
Ap Ka Intekhaab
Kon Karey...
Furqaton K Zawal Mousam Mein,
Qurbaton Ka Hisaab Kon Karey...
Kuch Zaroori Se Kaam Or Bhi Hain,
Ishq Khana Kharaab Kon Karey...
Baat Karna Kisey Nhi Aata,
Ab Usey Lajawaab Kon Karey...
Latt Ho Maathey Pe Kis Liye Sahib,
Chand Zeir-e-Naqaab Kon Karey...
Kon Shikwa Karey Wahan Ja Kr,
Rehne Dijiye Janaab Kon Karey...
Jo Muqaddar Mein Hai Miley Ga Batool,
Yunhi Niyat Kharaab Kon Karey....!!

Shahon ki tarah thay na Ameeron ki trah thay

Shahon ki tarah thay na Ameeron ki trah thay,
Hum shehr_e_muhbat k faqeeron ki tarah thay.
Daryao'n me hotay thay jazeeron ki trah hm,
Sehrao'n me pani k zakheeron ki tarah thay..
Hairat hay k wo log bhi ab chorr chalay hain,
Jo meri hatheli pe lakeeron ki tarah thay.!!! 

Zaruri Nahi Wo Shakhs Mujh Se Piyar Kare

Zaruri Nahi Wo Shakhs Mujh Se Piyar Kare,
Kuch Bhi na Kare Bus Aitbaar Kare..

Ek Phool Le Aaye Wo Mere Liye Ek Din,
Chahe Sara Saal Patharon Se Sangsaar Kare..

Kabhi Tou Wo Mere Udaas Ho,
Kabhi Chand Ki Roshni Mein Mera Intizar Kare..

Wo Chup Rahe Tou Bhi Shikwa Nahi Mujhe,
Aankhon Se Hi Sahi Kabhi Tou Izhar Kare..!!

Be-Sabab Chor Diya Tum Ne Koi Ilzaam Diya Hota

Besbab chor diya tmu ne koi ilzaam diya hota
Meri khamosh muhabat ko koi naam dia hota

Main mar kyun na gia teri narazgi se pehle
Mujhe chorna tha to koi LAQAB-e-badnam dia hota

Main umer bhar k liye nahi kehta k mera sath dedo
Bas jeney ka koi dilasa kisi sham dia hota

Tumhen paane ki talab me kitna roya dil-e-muntazir
Raat bhar jaagne ki ibadat ka koi inam dia hota

Agar hum na thay teri wafa k qabil
Hum mar hi jate apny hathon se 
agar Humain zehar ka jaam dia hota..!!
 

Wo Piyar Ka Saboot Dikhaya Karta Tha

Wo Piyar Ka Saboot Dikhaya Karta Tha,
Aansoo Baha Kar Humain Manaya Karta Tha..

Ye Zindagi Sirf Tum Se Wabasta Hai,
Aksar Humain Ye Baat Btaya Karta Tha..

Uski Baaton Mein Kuch Aisa Asar Tha,
Main Barish K Bina He Bheeg Jaya Karta Tha..

Sonay Ki Fursat Kisay Thi,
Wo Humain Sari Raat Jagaya Karta Tha..

Bechaini Jab Hadd Se Barh Jati Thi,
Wo G Bhar K Galay Lagaya Karta Tha..

Wo Itni Mohabbat Karne Wala Badal Gaya,
Jo Har Baat Par Meri Qasam Khaya Karta Tha.

Wo Anaa Parast Tha Uski Baaton Mein Iqrar Bhi Tha

Wo Ana-Parast Tha
UsKi Baton me iQraar B Tha.
Us K Chubte Hue Lehje me Chupa Pyar B Tha.
Wo Mjhe Likhta Tha K Muntazir Na Raho.
Lekin Uski Tehreer me Sadiyon Ka Intezar B Tha.
Wo Kehta Hy Na Rutho K Manana Nhi Aata.
Meri Narazgi Pr Lakin Wo Bekarar B Tha
Me Shayad Phir Na Likhta Us se Apni Khabar
Mohbat ka Bharam Rakhna Tha Kuch Dil Be-Ikhtiyar B Tha.
Shayad Yehi Uska Andaz-e-Mohabt Ho. "_Kaashi_"
Wo Mera Hamdam Be Tha,
Geron sy usy piyar Be tha..
.

Yaad Rakhna Aur Phir Bhula Dena

Yaad Rakhna Aur Phir Bhula Dena,
Uski Aadat Hai Youn Saza Dena..
..
Apni Mohabbat Mein Zara Saadgi Dekho,
Jo Chor Jaye Usko Bhi Dua Dena..
..
Wo Kehta Hai Mohabbat Mein Kuch Faasla Rahe,
Hum Chahte Hain Apna Sub Kuch Luta Dena..
..
Ek Guzarish Hai Agar Maan Jao Tou,
Wafa K Badle Hamesha Wafa Dena..!!

Kaash Us Se Milne Ka Koi Sabab Ban Jaye

Kaash Us Se Milne Ka Koi Sabab Ban Jaye,
Phir Kya Ho K Jaisa Wo Pehle Tha Ab Ban Jaye..

Rishta Us Se Ho Mera Kuch Is Tarah Ka,
Main Haath Uthaon Dua K Liye Wo Lab Ban Jaye..

Itna Tou Yaqeen Hai Wo Ek Din Loat Ayega,
Is Baat Ka Pata Nahi Wo Mera Kab Ban Jaye..

Koi Ja K Usey Ye Mera Paighaam Tou De Day,
Hukamrani Kare dil Par Wo Mera Jab Ban Jaye..

Mohabbat Mein Youn Zabardasti Achi Nahi,
Chalo Jab Us Ka Dil Chahey Wo Mera Tab Ban Jaye..!!

Mere Jaan-o-Dil Mere Hum Safar Main Udaas Hoon Koi Baat Kar

Mere Jan_ o_ Dil Mere Hum Safar
Main Udaas Hoon Koi Baat Kar
Tere Lab Hilen To Kate Safar
Main Udaas Hoon Koi Baat Kar
Koi Bojh Hai To Utaar De,
Koi Khof Hai To Nikaal De
Mera Haath Hy Tere Hath Par
Main Udas Hoon Koi Baat Kar
Nahi Yaad Kitne Baras Gaye Teri Guftago Ko Taras Gaye
Meri Khirkiyan Mere Dar_ o_ Diwar,
Main Udas Hon Koi Baat Kar
Tujhe Chup Hai Kesi Lagi Hui, Abhi Umr To Hai Pari Hui
Abi Muskura Abi Gham Na Kar,
Main Udas Hon koi bat kar...!

Gulshan Ki Baharon pe Sar-e-Sham Likha Hai

Gulshan Ki Baharon pe Sar-e-Sham Likha Hai..
Phir Us Ne Kitabon Pe Mera Naam Likha Hai

Yeh Dard Musalsal Meri Dunya Mein Rahega..
Kuch Soch K Us Ne Mera Naam Likha Hai

Jis Ne Meri Jaanib Kabhi Mur Kar Nahi Dekha..
Us Shakhs K Hathon Pe Mera Naam Likha Hai..!!

Dil-e-Wehshi Ko Ab Aisi Saza Di Jaye

Dil-e-Wehshi Ko Ab Aisi Saza Di Jaye,
Jab Bhi Ye Bole Tou Awaaz Daba Di Jaye..
.,.,
La-Taaluq Se Jab Rehne Lagein Ghar K Makeen,
Phir Ye Behtar Hai K ghar Mein Diwaar Utha Di Jaye..
.,.,
Jab Kabhi Dost Tumhain Khud Se Be'zaar Lage,
Aisay Har Dost Ko Na Milnay Ki Saza Di Jaye..
.,.,
Jis Se Darr Ho Kabhi Aashiaa'n K Jalne Ka,
Aisi Har Shama Sar-e-Shaam Bhuja Di Jaye..
.,.,
Koocha-e-Yaar Mein Jab Barhne Lage Auron Ka Hujoom,
Kiyun Na Us Yaar Se Phir Jaan Churra Li Jaye..
.,.,
Yaad Jab Koi Kare Apne Lamha-e-Fursat Mein Tumhain,
Hum Bhi Farigh Nahi Ye Baat Jata Di Jaye..!!

Usey Keh Do Wo Mera Hai Begana Ho Nahi Sakta

Usey keh do wo Mera hai begana ho nahi sakta
Bahot nayab hai us jesa zmana ho nahi sakta.
Tumharey sath jo guzra wo mousam yaad Aata hai
Tumharey bad koi mousam suhana ho nahi sakta.
Chupaney sey nahi chupta dikhawe se nahi dikhta
Ye Aatish_e_ishq hai is me bahana ho nahi Sakta.
Tu dil pe naqsh ho jay nigahon me sama jayey
K is dil me kisi ka phir se Aana ho nahi sakta.
bahot hai chahaney waley terey ham ney suna hai par.
!' __Zindagi Ji__ '!
Koi bhi doosra hum sa dewana ho nahi sakta..!!

Gham-e-Zindagi Par Ek Kitab Likhon Ga

GHAM-e-ZINDGI
Per Eik Kitab Likhon Ga..
Mein Us Mein Wo Saaray Hisab Likhon Ga..
Piyar Ko Waqt ki brbadi Likh Kr..
Chahton Ko Sirf Azaab Likhon Ga..
Hui Barbad Meri Mohabbat Kesay?
Kesay Bikhray Hain Meray Khawab Likhon Ga..
Khud Ko Kisi Titli Ka Roop Day Kar..
Us Ka Chehra
Gulaab Likhon Ga..
Us Ko Ilzaam-e-Be'Wafai Na Doun Ga..
Bus! Apni He QISMAT Kharab Likhon Ga...

Rothna Khafa Rehna Ye Wafa Nahi Hoti

Rothna Khafa Rehna,
Ye Wafa Nahi Hoti,
Chahaton Mein Logon Se Kya Khata Nahi Hoti?

Sab Ko Aik Jaisa Kyun Tum Samjhny Lagte Ho,
Kyun K Saari Duniya Tu Bewafa Nahi Hoti,

Har Kisi Se Dosti Hr Kisi Se Waady,
Pyar Karne Walon Mein Ye Adaa Nahi Hoti,

Be-Naqaab Chehre B Ek Hijaab Rakhte Hain,
Sirf Saat Pardon Mein Tu Haya Nahi Hoti,

Sab Kuch Kho Diya Uskay Pyar Mein Hum Ne,
Kya Ye B Chahat Ki
INTEHA Nahi Hoti ..!!

Ye Jo Be-Rukhi Hai Baja Nahi

Ye Jo Be-Rukhi Hai Baja Nahi
Ye Adaaen Q?
Ye Guroor Q?
Ye Guraiz Kis Liye Es Qadar
Ye Khafa Khafa Se Huzoor Q?
Tujhe Yaad Karna Mazaq Tha
Tujhe Bhool Jana Azaab Hai
Ye Saza Hai Jurm E Firaaq Ki
Mere Hafzay Ka Qasoor Q?
Tere Sath Hai Jo Teri Ana
Mere Saath Mera Naseeb Hai
Mujhe Tujh Se Kesi Shikayten
Tujhe Khud Pe itna Guroor Q?
Ye Tumhara Chehra Kitab Hai
Esay Parh Raha Hon Main Warq Warq
Zara Baat Saada Likha Karo
Ye Muhawron Ki Satoor Q...

Bekhabar tujhe kya khabar teri aankhon mein kesa jamaal hai

BeKhabar Tujhe Kiya Khabar Teri Aankhon Main Kesa Jamaal Hai,
Tujhe Dekh Le Jo Bas ik Nazar Us Ki Aankhon Main Phir Ye Sawal Hai"

"Mujhe Neend Se Kiun Jaga Diya Mujhe Khuwab Kesa Dikha Diya"
"Koi Ada Hai Koi Nasha Hai Ya Koi Saadgi Ki Misaal Hai,

"Meri Har Nazar Main Basa Hai Tu Mere Har Qalam Pe Likha Hai Tu"
"Tujhe Soch Lon To Ghazal Meri,
Na Likh Sakon To Khayal Hai..!!
 

Chup Chaap Jo Baitha Hoon Tou Kuch Paas Adab Hai

Chup chaap jo baitha hoon,to kuch paas adab hai.
Warna meri fitrat mein baghawat bhi ghazab hai.

Wo mard_e_Qalandar jo riwayat ka ameen tha.
Ab pait k chakar mein huwa jaan ba lab hai.

Yoon he to nahi khud say main be zaar huwa dost.
Mujh mein jo ye talkhi hai to kuch is ka bhi sabab hai.

Wo or hain jo roz badalty hain Khuda bhi.
Hum ehl_e_hakeekat ka sada 1 he RAB hai.

Lamhon k taulluk ka main qaail he nahi hoon.
Sadiyon ki rifakat say bhi aagay ki talab hai.

Andar say sulagta huwa, bahir say hai shadaab.
Mohsin..! Ye teray jeenay ka andaaz ajab hai..!!

Hasrat bhari Nigahon ko Aaraam tak nahi

Hasrat bhari Nigahon ko Aaraam tak nahi,
Wo yun badal Gaya k ab Salam tak nahi,

Jis ki tallab me zindaagi apni Guzaar di,
Us be_wafaa k lab pe mera Naam tak nahi,

Jo keh Gaye thay shaam ko baithenge Aaj phir,
Kuch saal ho Gaye koi Paighaam tak nahi,

Main dafan hon tere hijar ki ik aisi Qabar mein,
Kutbay pe jis k Aaj koi Naam tak nahi,

Be_ikhtiyaar uthtay hai mere Qadam udhar,
Haalanke us Gali me mujhe ab koi Kaam tak nahi,

Aankhon mein aansuon ki haqiqt na pochta


.::. Aankhon mein aansuon ki haqiqt na pochta___...
.::. Ae kaash mujh se tu meri halat na pochta___...
.::. Ab main ne tujh se tujh ko talab kar lia to kya___...
.::. TU bhi to mujh se meri zarort na pochta___...
.::. Tu mujhko aazmata kisi aur tarha se ___...
.::. Kitni hai mujh ko tujh se mohabat na pochta___...
.::. Agar tu jaan jata dil ke muamlay ___...
.::. Mujh se kabhi bhi wajah-e-mohabat na pochta..

 
NewSmsPunch | Send Free Sms Online in Pakistan | Comedy | Good Morning | Adult | Romantic | Birthday © 2012 | Powered by chattinghome.blogspot.com Specially Made for public chat rooms