Tujh se milne ko kabhi hum jo machal jate hein,
Tou khayalon mein bohut door nikal jate hein.
::
Gar wafaon mein sadaqat bhi ho shiddat bhi ho,
Phir tou ehsaas se pathar bhi pighal jate hein.
::
Us ki aankhon k nashe mein hon jab se dooba,
Larkharate hein qadam or sanbhal jate hein.
::
Us se judaai ka mujhe jab bhi khayal aata hai,
Ashk rukhsar pe aankhon pe phisal jate hein.
No comments:
Post a Comment