Is shehar-e-kharabi mein gham-e-ishq k maaray,
Zinda hein yahi baat bari baat hai piyaray
Ye hansta huwa chand ye purnoor sitaray,
Tabinda-e-painda hein zaron k saharay
Hasrat hai koi ghuncha humein piyar se dekhay,
Armaan hai koi phool humein dil se pukaray
Har subha meri subha pe hansti hai shabnam,
Har raat meri raat pe rotay rahay taaray
Kuch aur bhi hai kaam humein ay ghum-e-jana,
Kab tak koi uljhi hoi zulfon ko sanwaaray
No comments:
Post a Comment