Nahi jo dil mein jagah tou nazar mein rehne do

Nahi jo dil mein jagah tou nazar mein rehne do,

Meri hayat ko apne asar mein rehne do



Koi tou khuwab meri raat ka muqadar ho,

Koi tou aks meri chashm-e-tar mein rehne do



Main apni soch ko teri gali mein chor aaya,

Tum apni yaad ko mere hunar mein hunar mein rehne do



Yeh manzilain tou kisi aur ka muqadar hain,

Mujhe bus apne junoon k safar mein rehne do



Haqiqtein tou bohat talkh ho gayi hain "Wasi"

Mere wajood ko khuwabon k ghar mein rehne do.