Rog aisay bhi gham-e-yaar se lag jatay hain,
Dar se uth'tay hain deewar se lag jatay hain
Ishq aaghaz mein halki si khalish rakhta hai,
Baad mein sainkron aazaar se lag jatay hain
Hawas aaghaz mein choti si dukan kholti hai,
Phir tou bazar k bazar se lag jatay hain
Daagh daman k hon dil k hon k chehray k "Faraz"
Kuch nishan umer ki raftar se lag jatay hain.
No comments:
Post a Comment