Zuban tak jo na aaye, wo muhabat or hoti hai,
Fasana or hota hai, haqeeqat or hoti hai
Ye maana sheesha-e-dil ronaq-e-bazar hota hai,
Magar jab toot jata hai to qeemat or hoti hai
Nigaahein jaanch leti hain muhabat ki adaaon ko,
Chupanay se zamanay bhar mein shohrat or hoti hai
Ye maana husn ki fitrat bohat nazuk hai "Ghalib"
Mizaaj-e-ishq ki lekin nazaqat or hoti hai.
No comments:
Post a Comment