Anjaani raah tanha nagar de gaya,
Pathar ka shehar sheeshay ka ghar de gaya..
Wo bhi mujh ko hi sochta rehta hai raat bhar,
Us k nagar ka chand khabar de gaya..
Us shakhs ki muhabbatain kitni shadeed thein,
Khud mit gaya aur apni nazar de gaya..
Wo qaafily ko chor k tanha hi chal diya,
Aur jaaty huwy rakht-e-safar de gaya..
Jaanay wo bewafa tha ya majboor jo bhi tha,
Wo jeevan guzarnay ka huner de gaya.
No comments:
Post a Comment