Yehi surkhi jo hai tere lab-o-rukhsar mein jana,
Yehi rang-e-sukhan bhar de mere ash'aar mein jana
Nirali shaan se aaon ga sab hairat se dekhaingay,
Libas-e-ishq Pehnu'nga tera darbar mein jana
Mere dil ki ye kefiyat khule tum par tou kya kehne,
Takaluf hai humein jazbat k izhar mein jana
Ye taareeki ghattey kese, shab-e-furqat katey kese,
Sahar tou so gayi shayad tere rukhsar mein jana
Hamari koi qeemat ho na ho kya farq parta hai,
Magar hum tou bikein gay missar k bazar mein jana
Suni hain shab k sanatey mein hum ne siskiyan aksar,
Abhi zinda hai wo shayad kisi deewar mein jana.
No comments:
Post a Comment