Kisi ne bhi tou na dekha nigaah bhar k mujhe

Kisi ne bhi tou na dekha nigaah bhar k mujhe,
Gaya phir aj ka din bhi udaas kar k mujhe

Sabaa bhi laai na koi payaam apno'n ka,
Suna rahi hai fasaaney idhar udhar k mujhe

Mua'af kijiye jo main ajnabi hoon mehfil mein,
Ke raastey nahin maloom es nagar k mujhe

Woh dard hai jisey seh sakun na keh paaon,
Milay gaa chain tou ab jaan say guzer k mujhe

Kisi nay bhi tou na dekha nigaah bhar k mujhe,
Gaya phir aj ka din bhi udaas kar k mujhe.