Ik Jabr Hai Ab Ehsas-e-Wafa Ye Dil Mein Basana Thek Nahi,
Ab Saaz-e-Dil Afsurda Par Is Geet Ko Gana Thek Nahi..

Tum Bhool Chukay Ye Sab Behtar Tum Chor Chalay Ye Or Acha,
Khwabon Mein Magar Majboron K Ye Aana Jana Thek Nahi..

Keh Do K Nahi Hum Mil Saktay Keh Do K Koi Majboori Hai,
Lekin Ye Labon Tak La La Kar Baton Ko Chupana Thek Nahi..

Ae Shoq-e-Junoon Ab Baaz Bhi Aa Kuch Maan Bhi Le Tu Mera Kaha,
Jo Jaan K Bhi Anjaan Banay Gham Usko Sunana Thek Nahi..

Ab Chor Bhi Do Deewana Pan Ab Bhool Bhi Jao Maazi Ko,
Ye Pal Pal Har Pal Khalwat Mein Ashkon Ka Bahana Thek Nahi.