Har Shey Ka Soda Hota Hai
Har Cheez Bikaao Hoti Hai,
Har Fard Yahan Par Taajir Hai,
Har Waqt Tijaarat Hoti Hai
:::
Tum Aap Hi Apne Daam Kaho,
Chup Chup K Nahi Sar-e-Aam Kaho,
Kya Lo Gay Apni Yaari Ka,
Kya Lo Gay Tum Dildari Ka?
:::
Gham'Khuar Bano Gay Kitne Mein?
Tum Piyar Karo Gay Kitne Mein?
Sab Jazbay Mere Naam Karo,
Tum Barha Apna Daam Kaho
:::
Par Daam Chukanay Ki Khatir
Hum Apna Jaib Tatolein Tou
Bas Piyar Milay Ga Thora Sa
Aazar Milay Ga Thora Sa
:::
Yeh Sikhay Yahan Kab Chalte Hain,
Kya Udhar Milay Ga Thora Sa?
Yeh Dunya Be-Atibaar Ki
Ye Arz Hai Har Beopari Ki
:::
Chalo Choro Tamana Jazbon Ki
Har Shey Ka Soda Hota Hai
Har Cheez Bikaao Hoti Hai.