Bol ay sukoot-e-dil k dar-e-be-nishaa'n khuly,
Mujh par khuly to aqda-e-haft aasmaa'n khuly

Yun dil se hum_kalaam hui yaad-e-raftgaa'n,
Jese ek ajnabi se koi raazdaa'n khuly

Sehmi kharri hain khof-e-talatum se kashtiyan,
Moaj-e-hawa ko zid k Koi baadbaa'n khhuly

Wo jabar hai k soch bhi lagti hai ajnabi,
Aise me kis se baat karen kya zubaa'n Khuly

MOHSIN ki mout itna barra saneha na thi,
Is sanehy pe baal tere ra'egaa'n khuly..!!