Manzil se magar hum ko aqeedat bhi bohat hai,

Ye sheher-e-wafa laakh haseen sheher hai lekin,

Iss sheher mein dukh dard ki kasrat bhi bohat hai, 

Ye dil hai k uska hi talabgaar hai ab tak,

Iss deep ko aandhi se mohabat bhi bohat hai,

Kuch zulm kiye, gardish-e-ayaam ne hum par,

Kuch hum pe muqadar ki inayat bhi bohat hai,

Iss tark-e-rafaqat ka sabab hum bhi hain lekin,

Kuch iss mein zamane ki siyasat bhi bohat hai.