Manzil se magar hum ko aqeedat bhi bohat hai,

..

Ye shehr-e-wafa laakh haseen shehar hai lekin,

Iss shehar mein dukh dard ki kasrat bhi bohat hai,

..

Ye dil hai k uska hi talabgaar hai ab tak,

Iss deep ko aandhi se mohabat bhi bohat hai,

..

Kuch zulm kiye, gardish-e-ayaam ne hum par,

Kuch hum pe muqadar ki inayat bhi bohat hai,

..

Iss tark-e-rafaqat ka sabab hum bhi hain lekin,

Kuch iss mein zamane ki siyasat bhi bohat hai.