Hongay Juda Hum Is Tarha Imkaan Tou Na Tha,
Ye dil kabhi bhi is tarha weraan tou na tha..

Jesay hua hai ab k wo, Halaat se mere,
Pehlay kabhi wo is tarha anjaan tou na tha..

Wo shehar se gaya hai tou ronaq bhi le gaya,
Ye shehar is tarha kabhi sunsaan tou na tha..

Ek piyar ki jageer ka malik tha main kabhi,
Pehlay se yonhi be sar-o-saman tou na tha..

"Mohsin" hum ne ishq mein paya nafa bohat,
Es karobaar mein koi nuqsan tou na tha.